2000 جنيه
كتبهاعلي ابراهيم ، في 13 نوفمبر 2008 الساعة: 22:42 م
الفين جنيه
هما نصيبك في الوطن
اكل وسكن .. تربه وكفن
هما نصيرك في المحن
لو كنت صايع ..ولابيه
او كنت ضايع ..ولا ايه
راح تعمل ايه
* * *
ممكن تجيب بيهم لحاف
م البرد والسم الزعاف
او تشتريبهم مروحه
في الصيف عشان حرك يخاف
او حتي تفتح بورصتك
سهم في حديدعز تلاقيه
* * *
متشلش هم ام العيال .. ولا العيال
عاملين لهم صندوق خصوصي
يلاقوا بكره فيه ريال
يتشبرقوا ويتدلعوا
متشلش هم امال ياخال
ابن الرئيس وزع علينا
الوكر كله باللي فيه
* * *
ياسعدكم ياولاد بلدنا بالكوبون
متسألوش بقي صنفه ايه
وبأي لون..ولا يحزنون
بس المهم تعرفوا
ان الفنون من الجنون
وان الوطن دا فيه وفيه
الفين جنيه
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
نوفمبر 14th, 2008 at 14 نوفمبر 2008 5:54 ص
“فتحى سرور رئيس مجلس الشعب للسنة 19 على التوالى ”
………..
بشوش المحيا رئيس المجلس من تانى
18 سنه لما وجعلى ودانى
أغلبية ..”موافقة “..
طب أنا من الأقلية المكافحة ..آه يانى ..
……….
يا دى ” السرور” والبشر والهنا
حوشوا الوشوش دى من هنا
زهقنا يا عالم من اللعب بشعبنا
قوانين ” عموله ” بتحكم و بتتحكم بنا
مادمت يا “فتحى” بيه قاعد على قلبنا
الشعب هيلم هدومه ويطفش من هنا …
……………………………………….
أخى على …
كلما مررت بك ..تألمت لواقع حياتنا ..
أنت تغنى دائما بنزيف جرحنا …
تقديرى لقلمك .
نوفمبر 14th, 2008 at 14 نوفمبر 2008 9:18 ص
عزيزي علي
فية اية دة سك منسق بالي فية
مايخر مية ولانقطة تروي فقير ولا بية
متقسمة ومنظمة ولاحد يعرف عاوز اية
والناس ماشية مبنجة دة طبيعي ولا اية
ياناس دة عقلي شت مني وماتعرف لية
دة كتير علينا قوي وهنستحمل اية ولا اية
حتي الشوارع والحرات مش سيبينها لية
هيقسموها ويبعوها ونروح فين ولية
سمعنا كلمهم ومشينا علي هواهم واية
مش عاجبهم مشينا علي ارضنا يابية
طب نطير ولا نغوص ولا نعمل اية
تحياتي وتقدير ي
نوفمبر 14th, 2008 at 14 نوفمبر 2008 10:15 ص
يا عم على
انت صدقت كذب الواد جمال ابن مبارك
دة كدبة مفضوح الواد عارف ومتاكد ان مفيش حد بيحبة فقال اية عايز يرشى الشعب كلة مش من جيبة ولا من بنك عودة بتاعة لا من جيوبنا احنا وفلوسنا احنا يعنى بالبلدى كدة
من دقنة وافلتة
الواد بيستكردنا فكرنا هنرقص ونبوس ايدة على منحة وعطاياة فعلا صدق اللى قال اللى اختشوا ماتوا
تحياتى لك يا شاعر مكتوب والله وحشتنى اشعارك يا علوة
نوفمبر 14th, 2008 at 14 نوفمبر 2008 8:54 م
السلام عليكم أخى على
والله الواحد مش عارف يقول ايه يبكى ولا يصرخ ولا ايه
متر الوطن بألفين جنيه يا بلاش
فى فيلم عايز حقى قدروه اكتر من كدة يارتهم ساعتها كان باعوه كان جاب اكتر من كدة والظاهر ان بعد الازمة المالية العالمية كل حاجة رخصت حتى الوطن
تقبل سلامى وتحياتى
نوفمبر 15th, 2008 at 15 نوفمبر 2008 2:53 ص
شاعرنا الكبير…
الفكرة مستفزة جداً… هل تم “تسليع” الانتماء إلى الوطن… هل حصتي في الوطن هي نصيبي من أصوله … حتى لو كانت مليون جنيه؟
نصيبي في الوطن هو كل الوطن… وليس صكاَ لا يكفي لشراء محمول.
تحياتي لحسك الوطني الصادق.
نوفمبر 15th, 2008 at 15 نوفمبر 2008 7:26 ص
يحاولون بيع مصر أو بصحيح العبارة ما تبقى من بيع مصر وممكن تدخل قناة السويس وغيرها فهم يستغلون فقر الشعب ويحاولون رشوته كي يوقع مختارا لبيع مصر ونحن باسمنا الشخصي وباسم اتحاد المدونين المصريين نرفض وبكل ذرة من ذرات عقلنا هذا البيع الرخيص وتوريطنا فيه
لا تبيعوا مصر وأين كشف حساب بيع ما تم بيعه
ابتعدوا يا سماسرة البيع عن أصولنا الاقتصادية أنتم تتعمدون قتلنا فقرا وتستغلون فقرنا وجهلنا وقبضتكم البوليسية الشديدة على هذا الشعب لن نبيع مصر ولن نشارك في بيعها
وبعدين كده ممكن نتتخب هاني رمزي للرياسة الجديدة لأنه في الفيلم طرح مبلغ مليون ونصف دولار لكل مواطن وكده الأمور ها يتكشف أنه مش شاطر زي هاني رمزي
رئيس لجنة الحريات
خالد الصاوي
حرام ما يحدث لنا في مصر حرام بيع مصر حرام
لا تجعلوننا نشارك قهرا في عملية البيع لن نبيع مصر
واللي خانوا العهد بينال واستباحوا كل حاجة مستحيل ها يكونوا منا
هما حاجة واحنا حاجة
هما باعوا البندقية والوطن والجلابية واحنا اصحاب القضية
احنا ما بنبعش مصر احنا ما بنبعش مصر
نوفمبر 15th, 2008 at 15 نوفمبر 2008 1:08 م
الى روح الحبيبة …
نوفمبر 15th, 2008 at 15 نوفمبر 2008 3:24 م
الاخت الكريمه هند
………………..
فتحي سرور
ولا شرور
بكره هييجي عليه الدور
نوفمبر 15th, 2008 at 15 نوفمبر 2008 3:26 م
الاستاذ حمدي المتولي
نطير الطيارات بتتسرق
نغوص الراكب بتغرق
نرحل القطارات بتتحرق
……………
خلينا كده محلك سر
….ز
محبتي وتقديري
نوفمبر 15th, 2008 at 15 نوفمبر 2008 3:28 م
المشاغبه منال لطفي
……………ز
اولا دا مش واد دا عنده 46 سنه في عين المعارضه
ثانيا ده الرئيس التنفيذي للمصر المحروثه ( بالثاء )
ثالثا نورتي المدونه
بس خلاص
نوفمبر 15th, 2008 at 15 نوفمبر 2008 3:32 م
العزيزه شيرين العقاد
مؤلف الفيلم بتاع عايز حقي رافض فكرة بيع البلد بهذه الطريقه
مفكرش ان الفنتازيا السينمائيه ممكن المجانين يعتبروها حاجه حلوه يضحكوا بيها علي الناس
……………
انا عندي اقتراح لانبكي ولا نصرخ
احنا نلطم احسن
نوفمبر 15th, 2008 at 15 نوفمبر 2008 3:35 م
عم الدكتور وائل عزيز
اولا وثانيا اهلا بيك من زمان مقاطعنا مش عارف ليه
يعني متجيش غير واحنا بنصفي البلد
………….ز
انا عايز لاب توب ونصيبي كده مش راح يكفي
شوف لي حد يشاركني في كمب محمول
رب يخليك
نوفمبر 15th, 2008 at 15 نوفمبر 2008 3:37 م
خالد الصاوي
قلقتني عليك ياعمنا
فعلا حرام
حرام
حرام
حرام
مايحدث جريمه في حق الماضي والحاضر والمستقبل
نوفمبر 15th, 2008 at 15 نوفمبر 2008 4:52 م
بداعات المدونين المصريين
تحياتي لكم ولابداعاتكم
نوفمبر 15th, 2008 at 15 نوفمبر 2008 10:13 م
اخ على انا محتاج 2 جنيه مش اللفين بالله عليك لو لقيت حد بيوزع 2 جنيه قلى انا محتاج مصر بخير والله
تحياتى
نوفمبر 15th, 2008 at 15 نوفمبر 2008 10:37 م
حاضر ياخولي
من عنين ام الحكومه هجيبلك اتنين جنيه بس استناني بكره علي محطة مصر
مصر القديمه مش الجديده
نوفمبر 15th, 2008 at 15 نوفمبر 2008 11:34 م
شاعرنا الجميل علي ابراهيم
الوزير محي الدين طلع من دقائق في العاشره مساء
بيروج للنصبه الكبيره
وموضوع الاسهم
الناسدي لا تختشي ابدا
نوفمبر 16th, 2008 at 16 نوفمبر 2008 6:38 م
اخي الكريم على
نص جميل … يحكي معاناة الشعوب العربية كاملة … ينساب بموسيقى عذبة تدخل القلب لتستمر القراءة حختى النهاية
شكرا
نوفمبر 16th, 2008 at 16 نوفمبر 2008 8:48 م
الاستاذ / هيثم ابو خليل
الوزير محي الدين
متهيأله كده انه بيبيض وش جمال مبارك
وان السكه دي هي طريقه لرئاسة مجلس الوزراء في عهد او قبل حتي عهد جمال
بيحلم
نوفمبر 16th, 2008 at 16 نوفمبر 2008 8:49 م
ركب الفرسان
الشعوب العربيه تستاهل اكتر من كده
طول عمرها بتعاني بتعاني بتعاني وبس
نوفمبر 17th, 2008 at 17 نوفمبر 2008 10:19 م
احترس أعازنا الله واياكم
نوفمبر 17th, 2008 at 17 نوفمبر 2008 10:33 م
((( الشاعر على ابراهيم )))
*-*-*-*-*-*-*-*-*-*-*-*-
الفين جنيه
هما نصيبك في الوطن
اكل وسكن .. تربه وكفن
هما نصيرك في المحن
——————————–
والله كلامك جميــــــــــــــــــل لانك انت جميل
اختصرت المشكلة ف كلمتين … الكلام مسترسل بشكل هايل
والتعبيرات جميلة والنقد لازع وجرئ
ربنا يسترها عليك وعلينا
بس المهم المسؤلين يكون عندهم دم ويحسوا لان الناس تعبت بجد وهم مش مصدقين
تحياتى … والتقى بك على خير
نوفمبر 18th, 2008 at 18 نوفمبر 2008 1:36 م
الاخ الكريم حمدي المتولي
شكرا لك
اعاذنا الله واياكم
تحياتي
نوفمبر 18th, 2008 at 18 نوفمبر 2008 1:38 م
الاستاذ الاخ /شاعر الوطن
……………ز
شكرا لك انت الاجمل وتعليقك مثلك
انما ممن نخاف اذا كان الوطن كل يهوي
من الاجدر بنا ان خاف عليه
م ن ه م
تقبل امتناني
نوفمبر 18th, 2008 at 18 نوفمبر 2008 9:43 م
وطن للحب …..
نوفمبر 19th, 2008 at 19 نوفمبر 2008 7:42 ص
لا تتأخر …لا تتأخر
في زيارة مدونة جر شكل للمدون محمد خيري والذي تم إعتقاله
بعد الإفراج عنه بأيام
وذلك علي خلفية إشتراكه في حملة فك الحصار عن غزة ….
النظام المصري
يحاصر إخواننا في غزة ….
ويحاصر المدونين ليمنعهم من حتي الكلام ….
رابط محمدخيري علي الفيس بوك
http://www.facebook.com/album.php?aid=55426&id=535916017#/profile.php?id=535916017
رابط مدونة محمد خيري :
http://garshkal.blogspot.com/
قوة المدونين في ترابطهم …
إظهر دعمك لمحمد خيري
وأكتب له في مدونته نحن معك
وخاطب منظمات حقوق الإنسان العالمية
وقول لهم في مصر الكلام ممنوع …؟
نوفمبر 19th, 2008 at 19 نوفمبر 2008 11:04 ص
اخي الفاضل
شكرا لبهاء مرورك
دمت بخير
نوفمبر 19th, 2008 at 19 نوفمبر 2008 11:40 م
بداعات المدونين المصريين شكرا لجهدكم المتواصل
وادعوا معي ان تصبح مصرنا هذا الوطن
وطن الحب
نوفمبر 19th, 2008 at 19 نوفمبر 2008 11:47 م
الاستاذ الكريم / هيثم ابو خليل
للاسف تأخرت فانا لم اري هذا التعليق
الا متأخرا
ولا ادري بماذا اساند محمد خيري
في وطن ضاق حتي بالمدونين في هذا الفضاء الذي لايعرفه مهما كثر الا قليلون
انا مع محمد خيري ضد ما يتعرض له ايا كان ما كتبه
وايا ماكان توجهه ووجهته الفكريه
انا متضامن مع الحريه
معك
ومع نفسي
نوفمبر 20th, 2008 at 20 نوفمبر 2008 12:18 ص
ركب الفرسان
لاشكر علي واجب
اسعد بوجودك ومرورك
تحياتي
نوفمبر 22nd, 2008 at 22 نوفمبر 2008 5:50 م
2000 جنية
ياااااااااااااااااااااااااه مبلغ كبير جدا
انا حا اشترة فيلا فى بورتو مارينا وفيلا فى مدينتى والرحاب وعمارات الفورسيزونز
والباقى اطلع بيه رحلة حول العالم
وممكن اسلفك كمان
تحياتى لقلمك الرائع
نوفمبر 22nd, 2008 at 22 نوفمبر 2008 11:16 م
الاستاذه نيفين عمر
اهلا باطلالتك
انما لمؤاخذه يعني ابن مين في مصر قال لك اني محتاج فلوس سلف ولا غيره ما خلاص اسم الله عليه هيوزع لنا فلوس وصكوك واللي مش هياخد في ايده ياخد علي قفاه
واهي ماشيه والسلام
احجزي لي البتاع ده اسمه ايه الفورسيزون
بيتاكل صح
نوفمبر 23rd, 2008 at 23 نوفمبر 2008 12:42 ص
اولا صورتك كده اوضح عرفتك منها اكثر
ثانيا شاكر لك اهتمامك بما اكتب وحرصك على التواصل المحبب
ولعل رسالتي اليك وصلتك
ثم مين قال لحضرتك انهم الفين جنيه
كل الحكاية اربعمائة ملطوش ياخدوا عليبهم رسوم بيع ورسوم انتقال ملكية يعني يمكن تصفف على ثلاثمائة جنية فقط
وسلم لنا على القطاع العام وعلى مستقبل الاجيال القادمة وعلى صندوقهم المسروق ولكن مفتاحه معانا
نوفمبر 23rd, 2008 at 23 نوفمبر 2008 2:23 م
أخي الحبيب الشاعر الرقيق علي ..
لعله أمر داخلي ولا يحق لي التعليق ؟!!!
2000 جنيه مبلغ مش بطال .. بس يدفعوا بدنا (حلوان) من كل مدون ؛ وبعدين من إمتى في العالم العربي بنملك شيء في القطاع العام غير الإسم والشعارات والبهتان .. مش كل واحد يقبضله ولو 300 جنيه على حسبة عمنا محمد أفضل من بلاش .. البيع بلش من زمان ونلحق في الآخر خير ما لا نلحق !!!
مقصدش مصر بس .. والفاهم يفهم .
مودتي وإحترامي .
أخوك .
نوفمبر 23rd, 2008 at 23 نوفمبر 2008 2:41 م
استاذنا محمد حماد
اولا الف اهلا وسهلا بعودتك للتدوين وتشريفك للمدونه
ثانيا سواء كانوا 2000 والتقديرات كانت تقول ذلك عندما كتبت المنشور اعلاه
ولاننا في فترة هبوط اسعار وانهيار بورصات زافلاس بنوك وشركات ودول
فقد طال التخفيض الصكوك المزعومه الي ان تهاوت الي 487 جم او اقل
المهم انه اعتقدنا ان حالة السوء في منتهاها
يخرجون علينا بما هو اسوأ
مش عارف فاضل ايه تاني
تحياتي
نوفمبر 23rd, 2008 at 23 نوفمبر 2008 3:28 م
اخي عبد الحق
يمكرون ويمكر الله والله خير الماكرين
ليست مسألة اللي ناخده او نطوله
المشكله اقسي وابعد من ذلك
المجموعه اياها
تريد ان تبيع ماتبقي من الوطن تخيل انهم
ولا متتخيلش
لانها الحقيه التي يحاكيها الخيال
تحياتي
نوفمبر 23rd, 2008 at 23 نوفمبر 2008 3:53 م
“”"”"”"”"”"
” ان المسادات و الدعم المادى لأهل فلسطين لا يعتبر تبرعا بل هو فرض عين على الأمة الاسلامية بأسرها خاصة القادرين منها تجاه أخوان لهم مستضعفين فى فلسطين ”
دكتور
يوسف القرضاوى
بلسان الأتحاد العالمى لعلماء المسلمين
“”"”"”"”"”"”"
أرقام الحساب للتبرع في البنوك المصرية لحساب إتحاد الأطباء العرب:
حساب رقم 212051بنك فيصل فرع القاهرة
حساب 0/1/21090 بنك قناة السويس من أي فرع
“”"”"”"”"”"
فى عدد اليوم السبت 22 / 11 / 2008من جريدة الأهرام
و فى الصفحة الأولى
أعلان من لجنة الأغاثة و الطوارىء
أتحاد أطباء العرب
مصر
مفتى مصر يقول : ” الأضحية لفلسطين أولا ”
الضحية فى غزة … 1850 جنية
تذبح و تصل غزة معلبة 600 جنية
للأتصال 0104002121
حساب رقم 21090/1/0 بنك قناة السويس فرع الدقى
حساب رقم 10/90002914 البنك التجارى الدولى … C I B
“”"”"”"”"”"”"”"”"”"”"”"”"”
نوفمبر 24th, 2008 at 24 نوفمبر 2008 5:55 م
مصر فى قطعة جاتوه…
نوفمبر 24th, 2008 at 24 نوفمبر 2008 10:29 م
لاخ الكريم عادل سعيد
لفلسطين حبات عيوننا
نوفمبر 24th, 2008 at 24 نوفمبر 2008 10:46 م
ابداعات المدونين المصريين
شكرا لكم
نوفمبر 26th, 2008 at 26 نوفمبر 2008 5:35 ص
الله ..الله ..الله
راااااااااااائع جدا
اشكرك على هذا الابداع
واتمنى لك كل التوفيق
وادعوك لزيارة مدونتى