حداثة مين ياعم انت..بلاش تهريج

كلام غامض مالوش معني ..صراخ وضجيج

وضحكه صفرا من واحد ضميره اسود

في وسط حجيج

افسر تاني ولا خلاص فهمت انت ..بلاش تدبيج

*  *  *

وجع في المخ والاعصاب وفي الاخر منيش فاهم

لابيت ولاباب ولا شباك وفين الشعر يا عالم

يقول الناقد الواعي مفيش داعي تكون ظالم

اقول والله والمصحف حاولت اقرا الكلام مقلوب

وانا قاعد ..وانا قايم

واقرص نفسي اقول يمكن اكون نايم

 منيش نايم

اقول جايز يكون للكلمه معني بعيد

 اشم وبرضه مش شامم

               *   *     *

وقدامك يا مستمعين

انا بحلف بالف يمين

لاروح نادي الحداثيين

زلا اقرا شعرهم تاني

ولو غرقني لوداني

انا رجعي وابوي رجعي

وعمي وخالي رجعيين

وحتيصحابي وجيراني