( 1 )حبيت اعمل فرقة كوره

من الساده الوزرا

عايز صانع لعب ..وبرضه يكون هداف

رحت سألت الخبرا في الفيفا وفي الكاف

قالوا مفيش غير واحد

كله دهاء وشطاره

وبيلبس نضاره..يزغر لك من فوقها

تلقي الخصم يخاف

   ………..

 ( 2 )  ايه وجه الشبه اللي ما بين

الشعر الحر ومصطفي فهمي

ولا عب كان في الاهلي

اسمه اسامه عرابي

  ………

  (3 ) بحس بالنكد قوي ف تلات حاجات

لما الزمالك يتغلب في ماتش سهل (اهلاوي انا )

ولما اشوف هذا المساءء

ولما ابلبع حبتين من كبسولات سمير رجب

  ……………

  ( 4 ) ادمنت الخمرا بأنواعها

وشربت الافيون والبانجو

وعرفت كمان النسوان

انما اخطر حاجه يا صاحبي

ادمان الاحزان