وامي في عيدها بوعدها

اكون ايدها وساعدها

اكون شمعايه  في الضلمايه بتقيدها

اكون ضحكايه في عنيها

وزغروده نزغردها

اكون غنوايه تستمتع بترديدها

اكون بلسم يداوي جرحها من الاه

اكون كل اللي تتمناه

اكون دعوه بتدعيها  وهي قريبه من الله

اكون نسمايه ساعة حر ابردها

اكون مسند لرجليها اذا احتاجت تمددها

اكون دفتر مواعيدها

اكون شاعر واكتب في قصايدها

اكون يافطه في الانتخابات تأيدها

اكون عادل امام مره

عشان عادل بيسعدها

اكون غاره علي الاعداء ودولتهم ابددها

ولولا ايماني بالمولي

لكنت

عملت

امي

الهي

واعبدها