شاعر مكتوب الجميل ********جزاك الله خير والله القلوب متالمة من اجل العالقين وقلوبنا معلقة معهم وكما قلت متبعترين على المعابر محبوسين فى العنابر جزيت خيرا يا على

شاعر العروبة المتألق

سلمت القريحة

//

يا أمه ضلت عن طريق النبي

يا شعب ضايع في الغابات

مش غبي

مستني ايه ؟

مستني قال المعجزات

يهل بيه الاجنبي

//

شباك النبي على باب الله

ولا فيه اجنبي على باب الله

//

لك احترامي وتقديري

الشاعر المتألق دوماً:

فعلاً اليهود جوانا

وفتحنا لهم أبوابنا الخاصة .. واستجرنا بهم كي يقتلوا اخوتنا

تحياتي

يا أمه ضلت عن طريق النبي

يا شعب ضايع في الغابات

مش غبي

مستني ايه ؟

مستني قال المعجزات

….

كفاك روعة بهذه الكلمات فقط!

تحياتي وتقديري

((يا شعب ضايع في الغابات مش غبي))..(( قال المعجزات

يهل بيه الاجنبي))..(( اليهود مش ع الحدود

اليهود جوانا احنا

ياكلوا قوتنا

يضغطوا علي زر موتنا

واحنا ساكتين زي ما احنا )))

أيوه كده يا استاذنا الشاعر ..أختصر لنا ما يدور وأنر لنا طريقا من نور ..أهووووه كما قلت أنت اننا شعوب ضايعة فقط ومن السهل لملمتها …وأهوووه قلت ؛ أن الأجنى طامع متكبر يريد مصلحته فقط …وأهوووه قلت ؛ أن الفكر الصهيونى زرع داخل نفوس البعض منا … ويجب محاربتهم وابعاد افكارهم عن الغنم التائة فى صحراء الجهل العربى …تحيتى أخى الشاعر الاستاذ على ابراهيم …شفت ؟؟ ان الشعر ابلغ من ملايين الكلمات …شكرا

المبدعه العربيه :هيفاء قويني

حاولت الدخول الي خانة التعليقات في مدونتك لم استطع

شكرا لمرورك وتعليقك الكريم

الصهاينه نعرهم اصلا وخصالا

خوفنا من المتصهينين بيننا

اخي الكريم : اسامه مصطفي

منذ زمن لم تطأ مدونتي

اشكرك واستاذنا محمد حماد

محبتي وامتناني

محمد سليم

الساخر الكبير

اشكر اضافتك الجميله وتعليقك الوافي واطرائك الاوفي

شكر جزيلا لك

محبتي

بسم الله الرحمن الرحيم

السلام عليكم و رحمة الله و بركاته

قال سبحانه : (وَكَانَ حَقًّاً عَلَيْنَا نَصْرُ الْمُؤْمِنِينَ)

بارك الله فيك و جعلك من اهل الفردوس

علي:

الاحظ ان الدكتور سيد مختار

واخونا عبد المجيد غايبين في ظروف غامضة

تعرف السبب؟

يا ريت تطمني

وتقبل احترامي

أخى الأحب الأشعر الأنبل / على إبراهيم

لن تكفى كلمات الحب النبيل لتستوفى حقا و دينا لك فى عنقى

و اليك كلمات تتفاعل و تتشرف بالتفاعل مع كلماتك يا أخى الأنبل

من قصيدة ” سيرة ”

………………………………….

يا أمة ليه العدا واقفين على بابك

شوية دخلوا و احتلوا

و الباقى على اعتابك

يا أمة ليه بالذات طول التاريخ مستهدفه

من خاين يبيعك ف سوق نخاسة ذليل

و من عميل

ومن عدو جبان

يرتعش م المواجهة فى الميدان

و يغلبك بالغدر

و العملاء

بأسلحة محرمة

و بالجبناء

لكنه عمره ما يتمكن

طول عمرنا و المقاومة

ترفع هامتنا لفوق

تمد لينا الطوق

ونتعلق فى أهدابه

طول عمرنا و المقاومة

هوى نتنفسه

ندى يبل ريق العطش

طريق و نتحسسه

إيمان و نتلمسه

يا أمة الحق

أمتى الحق يتحقق

و صبحه يطلع بعد الفجرو يشقشق

و نطل من شبابيك نفوسنا

قلوبنا تبوسنا

و نتصالح مع روحنا

و نبقى احنا

يا أمة العدل أمتى الحال هيتعدل

و الظلم يتبدل

ويفيض علينا البراح و يزيد

و نغنى ألف نشيد

للسد عيد

و لكل مصنع جديد

و لخير أرضنا مواعيد

هلى يا سيرة الأحرار وضمينى

خلينى بعد الشقى أعرف صلاح دينى

و نوري لنا طريق العتمة و اسقينى

من نبع صافى شريانه يعدينى

نبع المقاومة طول عمره فلسطينى

شريان محبه وجهاد

موصول بقلب البلاد

موجوع بوجع البعاد

رافع رايات الشهادة

و سلاحه الإستشهاد

النكبة كرب و مهانة

النكبة جرح لهوانا

النكبة سيرة أمة

لحظة الاستكانة

النكبة بلوانا

عنوان ضعفنا فى محطات التاريخ

مكتوب عليك يا قلب لازم تشيخ

و حتما تتولد من آخر حدود الضعف

تنهض من جديد

بثورة تروى أرضنا بالدم

تطرح قلوب خضرا

تملى الخريطة إنتفاضة

جيل الغضب يا جيل

منتاش عليل

و لا ذليل

و لا عويل

زى حكام المذلة و المهانة

و شيوخ الخيانة

و العمالة

و الاستكانة

جيل الغضب يا جيل

انت الدليل

انت الجميل

انت البديل

انت القمر فى الليل

و فى وسط عتمة الأمة قنديل

ينور روحنا

يطبب جروحنا

يوقفنا قدام نفوسنا

لروحنا نعود

و نبقى احنا

احنا اللى سيرة الدنيا

و أول الأشياء

احنا البداية لكل صوت م السماء

احنا الرسل و الأنبياء

احنا أول الحضارة

و أول الزرع

و أول الحروف

و أول البناء

و أول البطولة

و أول الشهداء

و أول و آخر حدود الدماء

و أول البلاء

احنا اللى جراحنا جراح

و سيف التاريخ مغروس

فى قلبنا و البراح

مكتوب علينا لا نهدى

و لا نرتاح

مكتوب علينا الكفاح

من أول الدنيا و حتى يوم دينى

هلى يا سيرة الأحرار و ضمينى

خلينى بعد الضنى أعرف صلاح دينى

و نورى لنا طريق العتمة و اسقينى

من نبع صافى شريانه يعدينى

نبع المقاومة طول عمره فلسطينى

عبد المجيد راشد

الأحد ـ الأربعاء

13 ـ 16 مايو 2007

سلامون القماش

الاخت الاستاذه : نيفين عمر

شكرا لمرورك الكريم وتعليقك البديع

كما اشكر دعوتك الكريمه ود: علاء الاسواني قلم متعه وزاد لمن اراد شكرا لك

أخى العزيز الشاعر الفنان/علىإبراهيم

سلمت يداك على إبدعك المميز ياشاعرنا العظيم

و أتقدم لك بخالص الشكروالإمتنان

لمنحى ثقتك فى إنتخابات إتحاد المدونيين العرب

وبغض النظر عن أى نتيجة فقدإكتسبت بصوتك أخ

وصديق، أقبل جبينك أخى العزيز إمتنانا وإعتزازا

وأتمنى منك دوام التواصل

خالص تحياتى وودى

شاعر مكتوب الرائع على ابراهيم********هى دعوة للعصيان ارجو قراة ادراجى الاخير تقبل احترامى

السلام عليكم

عندما يتحول الشعر ليصبح نبضاً لجسد وقلب الأمة يكون بالتأكيد قد أدى دوره وهذا ماقرأته..

تحياتي لشعرك الراقى ولكلمات الاستاذ عبد المجيد راشد

عزيزى الشاعر على ابراهيم

ابعث لك ارق تحياتى

مغموسة يا طعم الهزيمة

بالعلقم المسموم

لم تنفع حكاوي الزناتي خليفة في شيل الهموم

واليأس جوه القلوب احلو له النوم

مغموسة يا طعم الهزيمة بالعلقم المسموم

(1)

طول عمرنا نحكي الحكاوي

ونقول غناوي ….!!!

نغزل الغنوة من جوه ضلمة الكلمة

نلونها بلون وردي

نبتدي بيه الحكاوي

تلقى الغنا ساحر

يوهمك انه مداوي

مع إن ده كله محال

ما أصلنا نحب الخيال

محبوسة يا عقولنا

مقفول عليكي

ومصدية الأقفال

علي كل ركن فيكي

قصة ومية موال

محبوسة يا عقولنا

وسط الحكاوي والغناوي

يتغسل بيها العقول

وتضيع معاها الأصول

ويا الحلول

وتتوه مراكبنا

ويضيع معاها الولاد

وف شدة الكرب لا نشوف عنترة ولا شداد

الكل صار عبلة ولبس توب الحداد !!!!!!!

***************

(2)

الكون سكون

والليل فارد له مِيت دراع

والنوم معشش ف العيون

والجفون متسبلة

والإيدين متخدلة

كأنها في حالة وداع

والضلمة تهوى اللي ضاع

تمسك إيديه

وتحركه جوه الضياع

تلقى العقول متبدلة

مش عارفة إيه المسالة

كل اللي بيها

إنها خايفة الطوفان

والرعب عارف سكته

جوه القلوب

ضاع الأمان

ضاع الأمان

(3)

المركبة تاهت في وسط الريح

بتجرفها شمال ويمين

بتتخبط وتتلخبط كما الأسد الجريح

وتتكسر عواميدها مع أول هبوب للريح

وكل شمع انطفى واتكسروا المصابيح

وراح زمان الحكمة والديك الفصيح

والناس دي واقفة ف قلبها

الخوف هزمها وذلها

و لا شفت واحد مد إيده وشدها لبر الأمان

ولا شفت واحد زعق بصوته

وقالنا لازم تعيش … لنموت كمان

الصوت خرس والصمت ساد

واتلجموا زي الحصان

ملعون …… ملعون

يا اللي ما تعرف سكتك ساعة الهوان

************ (4)

شراع المركبة مكسور

يا مين يصلحوا ف النور

من غير غنا وزعيق

ولا ناس تقول من هنا ح نصلحه

ولا ناس تقول من هنا ح نعيد

كلنا وسط الحكاوي

نعمل نفسنا أبو زيد

ونهاتي وسط القوم واللي نقوله نعيد

ونعيش ع الوهم اللي قاتلنا

مسجِدنَا …. مخلينا في عصر عبيد

مبدل كل أحلامنا

شددنا لبير ما لوش أخر

نبدد كل أحلامنا ونتـاخر !!!

نلاقي الغنوة تتكلم

ضحكت عليكو ف الآخر

وتتألم الم ساخر

يا مين يجيبلي من وسط الحكاوي

أبو زيد وهلالي يمدنا بالعون

ويمسح دمعة المحزون

ويشيل غبار الليالي

ويغزلي م الشمس توب

ويرفع شراع المركبة عالي

يزعق بصوت الأسد

ينادي الهلالي اتولد

يا رب ألفين مدد

وتعدي مركبنا

يا رب ألفين مدد

وتعدي مركبنا

دمت متالقا

فى انتظار ادراجك الجديد ان شاء الله

الاخ الحبيب

احمد التابعي

لاشكر علي واجب..دمت اخا حبيبا

منال لطفي

عصيان .. عصيان ..بس نعيش

د: حنان فاروق

حمدالله علي السلامه

اخيرا المدونه نورت..ومصر كمان

مهندس : ايمن مصطفي

شكرا لمشاركاتك ومشاكاساتك

ومرورك وفعاليتك

سالي جاد

اشكر دعوتك الكريمه والبي ان شاء الرحمن الرحيم

اخواني واخوتي واحبائي من منوا علي بالزياره والتعليق

اعتذر لهم جميعا لتقصيري في حقهم وحق نفسي ولكن ظروف السفر تمنعني من التواصل معهم بشكل جيد اعد الجميع بتعويض التقصير فور عودتي بأذن الله منتصف الاسبوع المقبل

الشاعر /علي ابراهيم