خليييييك في البيت
كتبهاعلي ابراهيم ، في 19 يوليو 2007 الساعة: 21:20 م
خليك ايجابي
واسمع ندانا
بلاش تحابي
في نظام مرابي
حتي ف دمانا
…
اقعد في بيتك
احكي لعيالك
ازاي حرامي
يسرق في مالك
بيبيع في قوتك
مستني موتك
اوعاك يفوتك
اليوم امانه
….
دا يوم علامه
ليوم قيامه
هنقومها بكره
والله فكره
والفكره ياما
كانت بسيطه
وابن العبيطه
هيروح في طيطه
اللي ابتلانا
…
مهيش مظاهره
ولا حتي سهره
لو غاوي شهره
مش اي مهره
تركبها تطلع معنا ف سمانا
…
بنقولها تاني
يا مصر ياني
يا مجنناني
امتي ولادك
يدروا المعاني
ويقوموا بدري
نمحي المهانه
عبد المجيد راشد
فى تلاتة و عشرين من يوليو
خليك فى البيت
و قول نويت
الفجرقايم
و الحق دايم
و الصبر طال
يا مصر يا عمال
يا فلاحين
طلاب
نساء و رجال
أطفال
أبطال
آن الآوان
دق الجرس
و يا الآدان
الجد حان
و أول خطوته
نرفع راية العصيان
…
فى البيت خليك
احكى لولادك حكايات الظلم
عرفهم إن نظام الحكم
عميل
و جبان
ناهب خيرنا
عصابات حكمانا
خلت أيامنا سواد
عتمة و ضلمة
الفجر زاد
و البطش عاد
عنوان بلدنا بقى الفساد
احكى لولادك و الاحفاد
حكايات العزة
صفحات النصر
أيام العدل المروية
فى تلاتة و عشرين من يوليه
…
عرفهم ايه اللى بيحصل
نهب و سلب و ظلم و قهر و جور
ما تخليش الطابق مستور
افضح كل كلاب السلطة السعرانة
كل رموز لخيانة
كل العصابات الحكمانا
أولاد الكلب
مفيش فى صدورهم قلب
لا يعرفوا قيمة و لادين و لا رب
و لا فى حسابهم كلمة شعب
…
خليك فى البيت
أول طريق عصيانا بديت
و قول نويت
الفجر قايم
و الحق دايم
و الصبر طال
و مفيش محال
مفيش محال
وانت بإيديك
ترصف طريق
للمغلوبين
والمطحونيين
واسمع نداك
والبي معاك
وامشي واراك
مشوار الكفاح
وابقي ف سماك
نجم الخلاص
وارمي ف بحورك
كل الشباك
وارمي بنارك
إلي راماك
وسط الخراب
وسط الهلاك
وتبقي يا وطني
واحنا فداك
أحمد خفاجي
ـــــــــــــــــــــــــــــــــــــــــــــــــــــــــ
التصنيفات : شعر | السمات:شعر
أرسل الإدراج | دوّن الإدراج
يوليو 19th, 2007 at 19 يوليو 2007 9:45 م
شاعر مكتوب الثورجى على ابراهيم***** تحياتى لك يا اخى طب نخليها دعوة للعصيان خارج البيت يعنى ولاد اللئيمة دول هنفضل سابين لهم البلد كدة على طول واحنا راضين نخلينا فى البت وااحنا زعلانين برضة نخلينا فى البيت تقبل احترامى
يوليو 19th, 2007 at 19 يوليو 2007 10:03 م
أخى الأحب الأشعر الأنبل / على إبراهيم
علها تكون البداية
و نحسبها هكذا
ما عاد لنا من سبيل إلا العصيان المدنى
كل النوافذ أغلقت فى وجه شعبنا العربى من المحيط الى الخليج
ووحدها المقاومة
بالسلاح حيث العدو و المحتل
و بالسياسة و العصيان المدنى بكل صوره حيث العدو المستتر و العميل
اليك نفس الأبيات التى كتبت خصيصا للتضامن مع حملة خليك فى البيت
…………………………………………………………………….
خليك فى البيت
عبد المجيد راشد
فى تلاتة و عشرين من يوليو
خليك فى البيت
و قول نويت
الفجرقايم
و الحق دايم
و الصبر طال
يا مصر يا عمال
يا فلاحين
طلاب
نساء و رجال
أطفال
أبطال
آن الآوان
دق الجرس
و يا الآدان
الجد حان
و أول خطوته
نرفع راية العصيان
…
فى البيت خليك
احكى لولادك حكايات الظلم
عرفهم إن نظام الحكم
عميل
و جبان
ناهب خيرنا
عصابات حكمانا
خلت أيامنا سواد
عتمة و ضلمة
الفجر زاد
و البطش عاد
عنوان بلدنا بقى الفساد
احكى لولادك و الاحفاد
حكايات العزة
صفحات النصر
أيام العدل المروية
فى تلاتة و عشرين من يوليه
…
عرفهم ايه اللى بيحصل
نهب و سلب و ظلم و قهر و جور
ما تخليش الطابق مستور
افضح كل كلاب السلطة السعرانة
كل رموز لخيانة
كل العصابات الحكمانا
أولاد الكلب
مفيش فى صدورهم قلب
لا يعرفوا قيمة و لادين و لا رب
و لا فى حسابهم كلمة شعب
…
خليك فى البيت
أول طريق عصيانا بديت
و قول نويت
الفجر قايم
و الحق دايم
و الصبر طال
و مفيش محال
مفيش محال
السبت 9/6/2007
يوليو 19th, 2007 at 19 يوليو 2007 11:00 م
الله رائعه جدا
ديما مبدع ماشاء الله
يارب كل الناس تستجيب للحملة دى
ده عصيان سلمى
نقول لا مرة واحدة
يوليو 20th, 2007 at 20 يوليو 2007 2:33 ص
إلى محبى الكلمة الصادقة الحرة
إلى عشاق الأستاذ الكبير محمد حماد
إلى المدونين فى مكتوب
قررنا نحن الموقعون أدناه الإمتناع عن أى إدراج جديد بداية من يوم السبت إحتجاجاً على قرار الأستاذ محمد حماد مغادرة مكتوب ولن نتراجع عن قرارنا تحت أى ظرف حتى يرجع عن قراره
وباب التوقيعات مفتوح للجميع وليمتنع المسيئون
الموقعون
هيفاء فويتي
سيد مختار
يوليو 20th, 2007 at 20 يوليو 2007 3:16 ص
شاعرنا على ابراهيم
وانا مشارك مع كل مصرى حر محترم فى هذا الامر
المشكللة ليست ان الامر بسيط المشكلة اننا لا بد ان نتوافق على اى شيئ حتى ولو صغير لان قيمته فى رمزه واثيره وليس بحجمه
تحياتى
يوليو 20th, 2007 at 20 يوليو 2007 4:03 ص
الله عليك
وانت بإيديك
ترصف طريق
للمغلوبين
والمطحونيين
واسمع نداك
والبي معاك
وامشي واراك
مشوار الكفاح
وابقي ف سماك
نجم الخلاص
وارمي ف بحورك
كل الشباك
وارمي بنارك
إلي راماك
وسط الخراب
وسط الهلاك
وتبقي يا وطني
واحنا فداك
أحمد خفاجي
مع خالص التحيه لك والشكر لتعبيركم عنا جميعا
دمتم بخير
يوليو 21st, 2007 at 21 يوليو 2007 3:39 م
الاخت منال لطفي
اولا لو عرفنا نقعد في البيت بشكل احتجاجي يبقي اليوم اللي هنتقابل فيه في الشارع قاب قوسين او
همتك يا زعيمه في اننا نقنع الناس بالفكره
يوليو 21st, 2007 at 21 يوليو 2007 3:41 م
اخي الاحب
عبد المجيد راشد
هانحن نحاول حصار حصارنا ولو بالجنون كما قال محمود درويش
يوليو 21st, 2007 at 21 يوليو 2007 3:45 م
الاخت ايمان العرفاوي
المهم يستجيب الناس ولو لم يكن كلهم ولكن ان نجد للدعوي صدي فهو ايضا نجاح للحمله
يوليو 21st, 2007 at 21 يوليو 2007 3:48 م
د/سيد مختار
محمد حماد هو طعم مكتوب اذا ما اختفي بالفعل فسترانا نتبعه حتي بدون توقيع
شكرا لمجهودك الرائع في التضامن مع استاذنا وشكرا ايضا لجهودك في اعادته الينا
يوليو 21st, 2007 at 21 يوليو 2007 3:51 م
مهندس : ايمن مصطفي
وانا معك
لابد ان نتوافق مع ولو علي حد ادني وبعدها نبني عليه
يوليو 21st, 2007 at 21 يوليو 2007 3:53 م
د/ احمد خفاجي
نستأذنك في ان ندعم الدعوه بمشاركتك
يوليو 23rd, 2007 at 23 يوليو 2007 5:36 م
كلمات رائعه ,,
بس عصيان عشان إيه ؟
يعني أيه المطالب السياسيه !؟
>>اسمحلي بعيده عن الشان المصري الداخلي
كل التوفيق في مسعاكم
ودي
يوليو 23rd, 2007 at 23 يوليو 2007 6:45 م
رسالة عتاب أخوى ؛؛؛
الاستاذ والشاعر ؛ على ابراهيم ؛ تحيتى ؛ والله أنا زعلان منك أوى ؟..بذكرى ثورة يوليو ، بجلسة رائعة تجمع شعراء افاضل ..وشعر ثورى جميل …وبأعلام مرفوعة مرفرفة على المدونات …وأدراجات عن الثورة ….والأخطر من كل ده أنك صديقى وأخى وأستاذى وما أعرفش ؟! ..طيب قللى ..عرفنى ..نبهنى ..حركنى ..كان نفسى أشارك معكم وعلى قليلة أرفع علم بلدى فى يوم الثورة وأحكى لأولادى …واتزاور مع أحبابى عبر ألنت ….لق ولق ولأ لأ ..أنا زعلان منكو كلكو رغم أنكم أستاذة أفاضل أعتز بكم وافتخر …فقط وأضعف الإيمان كنت أتمنى ان اكون اول من يهنئكم بهذه المناسبة … الف مبروك واللهم عد علينا ايام الثورة ثانية لتعدل موازين الكذب والإفك وتقضى مرة أخرى على رأس المال السلطوى ومجتمع 1% وتعاد توزيع الثروات بالعدل والقسط …وبزعيم يسترد كرامة مصر ويستعيد مكانة مصر عربيا ودوليا ….وأشهدك يا رب أنى سامحت الشعراء الكبار ؛ الشاعر احمد خفاجى وأخى العزيز الشاعر عبد المجيد من كل قلبى المحب لفنهم ….صافى يا لبن …شكرا جزيلا أخى وأستاذى العزيز الشاعر على .
يوليو 24th, 2007 at 24 يوليو 2007 11:38 م
كل عام وجمال عبد الناصر.. يلهم العالم الشجاعة والصدق…
مع الأمل بأن يولد في زمننا رجل تجتمع العرب على حبه كما كان ناصر…
مازالت دروب سوريا وقلوب أبناؤها تمتلأ بصور عظيم عشقه شعبها …
دمتم بخير أخي العزيز
يوليو 25th, 2007 at 25 يوليو 2007 5:13 م
ممكن اعرف نتيجة العصيان المدنى اللى كان فى يوم عيد الثورة ؟؟
حد حس بيه ؟؟؟
طبعا لاء .
لكنى احييك على كلماتك التى تعودت على جمالها فى هذه المدونة
واتمنى دوام التواصل
واتمنى ان تتفضل بزيارة مدونة الكاتب الروائى علاء الاسوانى وقراءة قصصه القصيرة واخرها قصه إنا أغشيناهم والتعليق عليها وهذا عنوان مدونته http://www.maktoobblog.com/alaaalaswany
وتقبل شكرى وتقديرى .
يوليو 25th, 2007 at 25 يوليو 2007 6:55 م
جاردينيا
المطالب كما يقول المثل المصري اكتر من الهم علي القلب
اهمها عودة بلادنا الينا
شكرا لك
يوليو 25th, 2007 at 25 يوليو 2007 6:58 م
الساخر :محمد سليم
اولا اعتذاراتي ياعم محمد رغم اني كنت مسافر ولااستطيع الدخول للمدونات الامن خلال موبايل ولا استطيع التعليق او الكتابه
انا من حقي ازعل لانك مزرتنيش في مندرتي ولا مدونتي التره الماضيه
عموما كل ثوره وانت طيب
ياراجل يا ساخر
يوليو 25th, 2007 at 25 يوليو 2007 7:01 م
الاخت المبدعه هيفاء قويني
كل سنه وانت وسوريا وكل عربي ماذال يحمل احلام هذا الرجل بخير
يوليو 25th, 2007 at 25 يوليو 2007 9:31 م
والله يا استاذ ىالكريم على ؛؛
جعدت فى البيت أوزن وأكيل فى دمى ..لقيتهم سرقوا لترين منى .. وبقعد يوماتى أحسب بمصرياتى ؛ ميه ونور وغاز وتلافونات على الفاضى .. مع أنى مصرى من لحم ودم .. ويا وووه على بال ماحسب اكون شربت كيلو معسل وبرضو معرفش أحسب …أصل أخوك لا مؤاخذة موظف محترم ..وقوووول كده بقبض على 50 دولا ر فى الشهر…وحمادة بيلهف 20 ألف دولار فى الشهر…..وسرق المفتاح وفل …تعرفش مكانه ؟..عروستى ..
يوليو 26th, 2007 at 26 يوليو 2007 1:08 م
أخى الأحب الأشعر الأنبل / على ابراهيم
أين جديدكم
دام فضلكم
و تألقكم
وابداعكم
فى الإنتظار
يوليو 26th, 2007 at 26 يوليو 2007 4:28 م
استاذه نيفين
لم تكن دعوه للعصيان المدني يوم عيد الثوره انما بروفه له تبنتها حركات المعارضه المصريه في محاوله لتحريك الناس لاي فعل احتجاجي تجاه نظام بيع مصر
ربما كانت نخبويه هذه المه ولم تؤتي ثمارها ولكنها غدا اذا ماوجدت صدي واحس بها المواطن المطحون فستكون عصيان مدني ربما تحتاج لاتفاق وترتيب وتهيئة مناخ
لكن علي كل لاصحاب الدعوه الشكر والامتنان
يوليو 26th, 2007 at 26 يوليو 2007 4:36 م
الساحر( بالحاء ) محمد سليم
وكمان بتقبض مرتبك دولارات يانهار . ملوش وش ولا ضهر بتلهف 50 دولار مع كل طلعة شهر ..اكيد طبعا عندك خزنه في البيت اذا كنت اريافجي زينا ومش بتتعامل بالفيزا كارد او دفتر الشيكات….
يوليو 26th, 2007 at 26 يوليو 2007 4:38 م
اخي الاحب :عبد المجيد راشد
شكرا لاطلالتك
واتمني ان ادرج غدا او بعد غد ان شاء الله
دمت لي
يوليو 26th, 2007 at 26 يوليو 2007 5:28 م
العزيز الغالي أخي الشاعر الحبيب على إبراهيم
أشكرك لمرورك وسؤالك على في غيابي وأنا كما تعلم لا أتأخر عنك وعن قصائدك الجميلة ولكني كنت على سفر تحياتي لك على الدوام
يوليو 27th, 2007 at 27 يوليو 2007 3:06 ص
الشاعر علي ابراهيم
يسعدنى حيث اني اشعر بالصدق في هذه الابيات
ويحزنني ان يكون الصدق في اللوم و العتاب
اتمنا ان يأتي علينا اليوم الذي تتبدل فيه لهجتنا
ادام الله ابداعك
يوليو 27th, 2007 at 27 يوليو 2007 6:34 ص
Thursday, July 26, 2007
اختاطف مدون إلى جهة غير معلومة
تم أختطاف المدون والشاعر الإخوانى أحمد سعد دومة صاحب مدون شاعر اخوان
وذلك إثناء وصلوله إلى مكان سكنه فى شارع 25 متفرع من شارع خمسين بالقرب من المؤسسة فى شبرا الخيمة
حيث أفاد مقرب منه
أنه فوجئ بثلاثة رجال يهاجمون أحمد سعد ، وهو يقاومهم ولكنهم استخدموا عصابة فى تغمية عينه، واقتادوه إلى عربة شيفورليه بوكس نقل كحلى كانت تقف على ناصية الشارع الجانبى يعنى فى شارع 25 ، وكانت تقف بجوار هذه السيارة سيارة ميكروباص بيضاء ، أنزلوه من السيارة الشيفورليه إلى السيارة الميكروباص واقتادوه إلى جهة غير معلومة، وكانت الساعة حوالى العاشرة والنصف أوالساعة الحادية عشر من صباح الخميس 26/7
وأفاد صديق أحمد سعد ، أنهم قالوا له مش قلنالك ماكلش دعوة بالحملة ده
وكان أحمد سعد، يجهز لحملة المليون وجه ضد نظام مبارك
وحسبى الله ونعم الوكيل
أرجوا من الجميع التحرك، والتضامن مع أحمد سعد
بوضع البانارات، أوبالاتصال بمن يعرفون من الحقوقيين
نقلا عن
http://www.hapasa.blogspot.com/
ديسمبر 25th, 2007 at 25 ديسمبر 2007 6:31 ص
الله عليك
استمعت كثيرا بالقراءة لك
خالص تحياتي
وشكري