28 سبتمبر
كتبهاعلي ابراهيم ، في 27 سبتمبر 2007 الساعة: 13:32 م
اصحي يانايم
يا نايم اصحي
الصوره حتي
في الضلمه واضحه
مابين حبيبنا ابو الغلابه
وبين عصابه
خلوها غابه
تهبر ديابه
تعبر ديابه
وانا اللي بيها
مغرم صبابه
مش لاقي هدمه
ولا لقمه يابا
سرقوها مني
وانا غصب عني
وكل ما اسأل
الاقيه بيسعل
ويقوللي بكره
تلقي الاجابه
وادييني قاعد مستني بكره
وبكره ابعد من انه ييجي
واديني مكره
لوحد قاللي اعمل حسابه
تلاتين وسبعه سايب بهيه
لكلاب بتنهش في كل حته
م اسكندريه ولحد طابا
وتبيع في مصنع وتبيع قضيه
علشان تلمع الالمعيه
واحنا يابويا رايحين جهنم
صحبه ومعيه عشان معيه
شايفينه قاعد بيسن نابه
…………
يابويا ارجع خلاص حفينا
احنا اتنفينا ..وماعدش فينا
يا بويا ارجع وبث فينا
اجمل مافينا
لحسن هتغرق بينا السفينه ………………….
وهذا هو العمل الاصل للاخ الاحب الثائر الشاعر/ عبد المجيد راشد و الذي استقيت منه الابيات اعلاه في حضرة خالد الذكر الزعيم / جمال عبد الناصر
باعزف آهاتي سطور كتابة
ومين حيسمع غير الغلابة..
وانادي يامه وانادي يابه
بلدنا سرحت فيها الديابة
كلاب بتعوي
وسياخ بتشوي
وقلوبنا تعصر روحها خيابة
وانادى فوقوا
يمكن تدوقوا
ليالى عزة بدل الكآبة..
سنين بتجرى
وعيال بتهرى روحها ف ضياع
عيون بتبكي وخدود بتحكي قصص دموعها بين الجياع
وامتى يامه حتصحي تانى ده احنا تعبنا من الأغاني
عمالة اهاتى واقول يا آتي بلاش لكاعة
شبعنا حاضر وشبعنا طيب وزهقنا طاعة
وارجع واقول امسك لسان الحال
مانا شغلتي مسحراتي فى البلد جوال
حبيب وداريت كما العاشق ليالى طوال….
وكل شبر وحتة من بلدى حتة من كبدى حتة من موال………
ـــــــــــــــــــــــــــــــــــــــــــــــــــــــــ
التصنيفات : شعر وادب | السمات:شعر وادب
أرسل الإدراج | دوّن الإدراج
سبتمبر 27th, 2007 at 27 سبتمبر 2007 7:21 م
مرحبا
دعوة للاطلاع على موضوع :” غلاء الأسعار يفجر مظاهرات عنيفة بالمغرب”
سبتمبر 27th, 2007 at 27 سبتمبر 2007 8:38 م
السلام عليكم الاخ العزيز والشاعر الكبير على ابراهيم
تصوير جميل ومبدع لحالة الفساد الوضحة فى البلد
اصحى يا نايم
يا نايم اصحى
الصورة حتى فى الضلمة واضحة
تقبل سلامى وتحياتى لشخصك الغالى ولقلمك المبدع
سبتمبر 27th, 2007 at 27 سبتمبر 2007 10:48 م
أخى الأحب الأشعر الأنبل المقاوم / على إبراهيم
كل التحية
و التقدير
و الحب
كل عام و نحن أقرب لتجسيد حلم الزعيم جمال عبد الناصر فى وطن الحرية و الاشتراكية و الوحدة
و لا أجد تعليقا إلا كلمات المسحراتى عن جمال عبد الناصر لتزداد مع كلماتكم شرفا و سعادة لا توصف
دمت أخا أحبا أشعرا أنبلا :
المسحراتى
شعر : عبد المجيد راشد
(3) جمال عبد الناصر
مسحراتى
بصرخ ليلاتى
على طبلة صوتها
آنين ناياتى
أصحوا و فوقوا
لكل آتى
أوجاعنا جارحة
و دموعنا سارحة
أوضاعنا شارحة
من غير ما هاتى
صوت العروبة
يوليه و طوبة
وفى الربيع
اسمه جمال
من الجميل
و لكل أمة
رمز و أصيل
عنوان لمجد
و عزة وكرامة
تجسيد أمين
للمستحيل
لما تقول فين الطريق
تلقى العلامة عليها هامة
مرفوعة شامخة
على خدها الف ابتسامة
و فى عقلها سكة سلامة
و فى نبضها عشق و شهامة
حضنه وسيع
حلم الجميع
صوته ينادى
يصحّى بلادى
و يهز جيش الأعادى
لما يقول تؤمم الشركة
وتتوزع التركة
و العدل يبقى أساس الملك
تلقى الأيادى
متشبكة فى الأيادى
و تعود لنا الأمة
ترجع لروحها بهمة
و تكشف الغمة
لما يخوض المعارك
تلقى الجميع شارك
و الجوده بالموجود
يا ناصر الأمة
حلمك ما يعرف حدود
و لا سدود
و خوف من الأعداء
أجمل ما فينا طلعتك
أجمل حضورنا طلتك
أعظم دروسنا خطوتك
أنفع حلولنا فكرتك
أطرب نشيدناغنوتك
للفلاحين إصلاح
وللعمال مصانع براح
و للجميع تعليم متاح
و العلاج للكل
ناصر يا عود الفل
من بعدك و شفنا الذل
من بياعين الغم
نهبوا البلد بالكوم
باعوا العرق و الدم
فى سوق نخاسة ذليل
و انت الإمام الجليل
لطلائع الأمة
اتسعت الهمة
لآمال ما ليها حد
يا ألف مصنع و سد
و عدل إجتماعى بجد
و خير ما لوهشى عد
يا بدر غايب فى سما نا
نور فكرتك ساكن ف جوانا
لساه معشش فى ثنايانا
سابح معانا فى براح الخيال
اسمك يا ناصر جمال
محفور فى قلب الرجال
أجيال ورا أجيال
مهما يطول البعاد
مسحراتى بطول البلاد
اصرخ ليلاتى
اصحوا و فوقوا
لكل آتى
رمضان كريم
شهروعظيم
فيه العظات
و المعجزات
و الانتصار
الفجر لازم يولد نهار
و الصبح مولود من نور و نار
مسحراتى
و فى انتظار
الأمة ترفع
راية انتصار
رمضان كريم
يا نايم اصحى
وحد الرزاق
سبتمبر 28th, 2007 at 28 سبتمبر 2007 2:01 م
الغائبون والذاكرة الخائنة… مقال جديد عن الكتاب العرب والموت والنسيان…
abdelouham.maktoobblog.com
سبتمبر 29th, 2007 at 29 سبتمبر 2007 2:05 ص
رائع جدا هذا الادراج ومعبر للغايه وفى مناسبه ذكرى رحيل عبد الناصر ال37
كل امنياتى لك بكل نجاح وسعادة
كما امتعتنا بهذه الكلمات
اتمنى لك ان تسعد فى حياتك
تحياتى
سبتمبر 29th, 2007 at 29 سبتمبر 2007 11:32 م
الحبيب الغالي الشاعر الجميل وأخي الكريم
علي إبراهيم
كل عام وأنت بألف خير وأشكرك يا أخي على إهتمامك ودعواتك جزاك الله كل الخير وأنا الحمد لله أحسن وفي فضل ونعمة من الله
نص جميل كعهدنا بك دائماً
أدام الله عليك قلمك الرشيق وحسك الصادق
تحياتي ومحبتي
أسامة عبد الصبور
سبتمبر 30th, 2007 at 30 سبتمبر 2007 2:57 م
الشاعر الكبير
سيمفونية فى حب مصر
انت والاستاذ عبده
ادام الله محبتكما فى حب مصر
تجتاح مصر معلومات قوية حول إصابة مبارك بجلطة وأن حالته المرضية متأخرة رغم المحاولات المستميتة التي يبذلها النظام لتبديد تلك المعلومات حول الحالة الصحية للطاغية.
وقد اجتاحت مصر إشاعات قوية حول موته سريريا مما حدا بالنظام لإخراج مبارك في لقطات تليفزيونية أثارت الشائعات أكثر من ذي قبل حيث تأكد الناس من خطورة حالة مبارك الصحية بعد الوضعية التي ظهر عليها.
وما يهمنا هنا هو هو التأكيد على أنه لا شماتة في الموت أو المرض فنحن جميعا في هذا الأمر سواء ونسأل الله العافية لنا ولجميع الصالحين.
أما مصر فهي الباقية وهي التي ينبغي أن نعمل كي تتجاوز هذه الحقبة السوداء من تاريخها تحت حكم الطاغية مبارك.
ينبغي على المخلصين في هذا البلد أن يتوحدوا لبحث مستقبل مصر ما بعد مبارك.
كيف يمكن ضمان التغيير في اتجاه الإصلاح وليس التوريث وليس استمرار حكم العصابة التي تحكم الآن بالفعل باسم مبارك.. هذا هو التحدي ولعل الطواغيت يعتبرون بأنهم إلى زوال مهما طال الأجل
مصرىىىىىىىىىىىىىىىىىىىىىىىىىىىىىىىىىى
سبتمبر 30th, 2007 at 30 سبتمبر 2007 5:53 م
هناك فى بر مصر أشياء جديدة تحدث أتمنى أن تخبرنى برأيك فيها فى –صراع ام تلاقى— …على فكرة مقالك جامد جداااااا
سبتمبر 30th, 2007 at 30 سبتمبر 2007 7:20 م
يا علي وهل تعتقد ان النائم سوف يفيق…
وهل سوف يوحد الله حقا ويعلم ان هناك الها واحدا فقط في السماء وليس له شريك في القصر الجمهوري…
شكرا
أكتوبر 2nd, 2007 at 2 أكتوبر 2007 2:34 م
سلام عليكم
الله على كلماتكم جميعاً أستاذ علي قرأتها واستمتعت بها هنا وهناك وأحببت أن أشارككم فهل تسمحون لى؟؟
مسحراتي..منقراتي
باعزف آهاتي سطور كتابة
ومين حيسمع غير الغلابة..
وانادي يامه وانادي يابه
بلدنا سرحت فيها الديابة
كلاب بتعوي
وسياخ بتشوي
وقلوبنا تعصر روحها خيابة
وانادى فوقوا
يمكن تدوقوا
ليالى عزة بدل الكآبة..
سنين بتجرى
وعيال بتهرى روحها ف ضياع
عيون بتبكي وخدود بتحكي قصص دموعها بين الجياع
وامتى يامه حتصحي تانى ده احنا تعبنا من الأغاني
عمالة اهاتى واقول يا آتي بلاش لكاعة
شبعنا حاضر وشبعنا طيب وزهقنا طاعة
وارجع واقول امسك لسان الحال
مانا شغلتي مسحراتي فى البلد جوال
حبيب وداريت كما العاشق ليالى طوال….
وكل شبر وحتة من بلدى حتة من كبدى حتة من موال………
(لأن المسحراتي فى الاصل فكرة شاعرنا الكبير فؤاد حداد فقد سمحت لنفسي باقتباس آخر 3 سطور)..
د.حنان فاروق
أكتوبر 4th, 2007 at 4 أكتوبر 2007 3:58 ص
الله
الله
الله
ابدعتوا
الله يرحمك يازعيم الامة
ياحبيب الملايين
أكتوبر 5th, 2007 at 5 أكتوبر 2007 10:22 م
لاول مرة بالاسكندرية : دعوة لكل مواطن ولكل مدون حر: لحضور ………….
ملتقي الدفاع عن سجناء الراي وحقوق الانسان
بالإشتراك مع ….
تجمع المدونين الطامحين في وطن عربي بدون سجين رأي واحد و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الجمعة 19 / 10
الساعه 5 بنادي المحامين بجليم كورنيش البحر الاسكندرية
أكتوبر 5th, 2007 at 5 أكتوبر 2007 11:40 م
الاستاذ الشاعر على ابراهيم ..تحية طيبة وبعد ..أخى العزيز أشكرك من قلبى …على كرم تعليقات وسؤالك عنى ..وكيف لا ..وأنت العزيز والحبيب الذى عرفته من كلماته الشعرية ( شعر مش ترس ) ..أستاذى كل عام وانتم بخير …وسلامى الى الاستاذ عبد المجيد بلدياتى الشاعر القدير …..كل عام وانتم بخير …
أكتوبر 6th, 2007 at 6 أكتوبر 2007 8:33 ص
مسحراتية البلد مساجين
اكبير كبير فيهم
اصبح ذليل مسكين
يا عيني عال يحاول
يصحي جالوس الطين
************
بكل الحب كل عام وانتم بخير
نوفمبر 25th, 2007 at 25 نوفمبر 2007 10:10 م
الاخ على ابراهيم******** تحياتى والله انتم الثلاثة شعراء بحق واسعدتمونا باشعاركم الرائعة شكرا لك يا على